Hanuman Chalisa

श्रीगुरु चरन सरोज रज निज मनु मुकुर सुधारि बरनऊँ रघुबर बिमल जसु जो दायकु फल चारि बुद्धिहीन तनु जानिके सुमिरौं पवन-कुमार बल बुद्धि विद्या देहु मोहिं हरहु कलेस विकार जय हनुमान ज्ञान गुण सागर जय कपीस तिहुँ लोक उजागर रामदूत अतुलित बलधामा अंजनि-पुत्र पवनसुत नामा महाबीर बिक्रम बजरंगी कुमति निवार सुमति के संगी कंचन बरन बिराज सुबेसा कानन कुंडल कुंचित केसा हाथ वज्र औ ध्वजा बिराजे काँधे मूँज जनेऊ साजे शंकर सुवन केसरी नंदन तेज प्रताप महा जग वंदन विद्यावान गुणी अति चातुर राम काज करिबे को आतुर प्रभु चरित्र सुनिबे को रसिया राम लखन सीता मन बसिया सूक्ष्म रूप धरि सियहिं दिखावा बिकट रूप धरि लंक जरावा भीम रूप धरि असुर सँहारे रामचंद्र के काज सँवारे लाये सजीवन लखन जियाये श्रीरघुबीर हरषि उर लाये रघुपति कीन्ही बहुत बड़ाई तुम मम प्रिय भरतहि सम भाई सहस बदन तुम्हरो यश गावे अस कहि श्रीपति कंठ लगावे सनकादिक ब्रह्मादि मुनीसा नारद सारद सहित अहीसा यम कुबेर दिगपाल जहाँ ते कवि कोविद कहि सके कहाँ ते तुम उपकार सुग्रीवहिं कीन्हा राम मिलाय राजपद दीन्हा तुम्हरो मंत्र विभीषन माना लंकेश्वर भये सब जग जाना युग सहस्त्र योजन पर भानू लील्यो ताहि मधुर फल जानू प्रभु मुद्रिका मेलि मुख माहीं जलधि लांघि गये अचरज नाहीं दुर्गम काज जगत के जेते सुगम अनुग्रह तुम्हरे तेते राम दुआरे तुम रखवारे होत न आज्ञा बिनु पैसारे सब सुख लहै तुम्हारी सरना तुम रक्षक काहू को डरना आपन तेज सम्हारो आपै तीनों लोक हाँक ते कांपै भूत पिशाच निकट नहिं आवै महाबीर जब नाम सुनावै नासै रोग हरै सब पीरा जपत निरंतर हनुमत बीरा संकट ते हनुमान छुड़ावै मन क्रम बचन ध्यान जो लावै सब पर राम तपस्वी राजा तिन के काज सकल तुम साजा और मनोरथ जो कोई लावै सोइ अमित जीवन फल पावै चारों जुग परताप तुम्हारा है परसिद्ध जगत उजियारा साधु सन्त के तुम रखवारे असुर निकंदन राम दुलारे अष्ट सिद्धि नव निधि के दाता अस बर दीन जानकी माता राम रसायन तुम्हरे पासा सदा रहो रघुपति के दासा तुम्हरे भजन राम को पावै जनम जनम के दुख बिसरावै अन्त काल रघुबरपुर जाई जहाँ जन्म हरिभक्त कहाई और देवता चित्त न धरई हनुमत सेइ सर्ब सुख करई संकट कटै मिटै सब पीरा जो सुमिरै हनुमत बलबीरा जय जय जय हनुमान गोसाईं कृपा करहु गुरुदेव की नाईं जो सत बार पाठ कर कोई छूटहि बंदि महा सुख होई जो यह पढ़ै हनुमान चालीसा होय सिद्धि साखी गौरीसा तुलसीदास सदा हरि चेरा कीजै नाथ ह्रदय मह डेरा पवनतनय संकट हरन मंगल मूरति रूप राम लखन सीता सहित ह्रदय बसहु सुर भूप

Shri Guru Charan Saroj Raj Nij manu mukuru sudhari Barnaun Raghubar bimal jasu Jo dayaku phal chari Budhi heen tanu janike Sumirau Pavan Kumar Bal budhi vidya dehu mohe Harahu kalesh vikaar Jai Hanuman gyan gun sagar Jai Kapis tihun lok ujagar Ram doot atulit bal dhama Anjani putra Pavan sut nama Mahabir Bikram Bajrangi Kumati nivar sumati ke sangi Kanchan baran biraj subesa Kanan kundal kunchit kesha Hath bajra aur dhvaja birajai Kandhe moonj janeu saajai Sankar suvan kesri nandan Tej pratap maha jag vandan Vidyavan guni ati chatur Ram kaj karibe ko aatur Prabhu charitra sunibe ko rasiya Ram Lakhan Sita man basiya Sukshma roop dhari Siyahi dikhava Vikat roop dhari lank jarava Bhima roop dhari asur sanghare Ramachandra ke kaj sanvare Laye Sanjivan Lakhan jiyaye Shri Raghubir harashi ur laye Raghupati kinhi bahut badai Tum mama priya Bharat sam bhai Sahas badan tumharo yash gaave Asa-kahi Shripati kanth lagaave Sanakadik Brahmadi Muneesa Narad-Sarad sahit Aheesa Yam-Kuber Digpal jahan te Kavi kovid kahi sake kahan te Tum upkar Sugrivahin keenha Ram milaye rajpad deenha Tumharo mantra Vibheeshan mana Lankeshwar bhaye sab jag jana Yug sahastra jojan par Bhanu Leelyo tahi madhur phal janu Prabhu mudrika meli mukh maahi Jaladhi langhi gaye achraj naahi Durgaam kaj jagat ke jete Sugam anugrah tumhare tete Ram dware tum rakhvare Hoat na agya binu paisare Sab sukh lahai tumhari sarna Tum rakshak kahu ko dar na Aapan tej samharo aapai Teenon lok hank te kanpai Bhoot pishach nikat nahi aavai Mahabir jab naam sunavai Naasai rog harai sab peera Japat nirantar Hanumat beera Sankat te Hanuman chudavai Man Karam Vachan dyan jo lavai Sab par Ram tapasvee raja Tin ke kaj sakal Tum saja Aur manorath jo koi lavai Sohi amit jeevan phal pavai Charon yug partap tumhara Hai persiddha jagat ujiyara Sadhu Sant ke tum Rakhware Asur nikandan Ram dulhare Ashta siddhi nav nidhi ke data As bar deen Janaki mata Ram rasayan tumhare pasa Sada raho Raghupati ke dasa Tumhare bhajan Ram ko pavai Janam janam ke dukh bisravai Ant kaal Raghubar pur jai Jahan janma Hari Bhakt kahai Aur Devta Chitt na dharai Hanumat sei sarva sukh karai Sankat kate mite sab peera Jo sumirai Hanumat Balbeera Jai Jai Jai Hanuman Gosai Kripa Karahu Gurudev ki naai Jo sat baar path kare kohi Chhutahi bandi maha sukh hoyi Jo yah padhe Hanuman Chalisa Hoy siddhi sakhi Gaureesa Tulsidas sada hari chera Keejai Nath hriday mah dera Pavantanay sankat haran Mangala murti roop Ram Lakhan Sita sahit Hriday basahu sur bhoop